Fasnacht 26. – 28. Hornig 2007

Sujet:

Aadie Schuumi!
E Dada-Gedicht

1) Syt Joore katsche mir im Sujet Theme duure

Wo spezyyfisch Fraue kenne driiber schnuure.

Buschi, Bildig und Bikini hämer duureghächlet

Und derby vor allem ab uns salber glächlet.

Gnueg vo däm, mr mien e neyi Formle finde,

Ebbis wo me nit mit Fraue ka verbinde.

KIar, hejo, e Männersujet wämmer nä,

Vom Inhalt här stereotypisch alles gä!

Ganz aifach feen mir das Joor aa in däm Beryych:

Em Schuumi aadie wingge! d Ussaag isch ys glyych.

 

Refrain:

Schuemächerli, Schuemächerli, du setzisch di zur Rueh

So rächt hesch jo, so rächt hesch jo, du hesch dr Klotz drzue.

 

2) Mit «Aadie Schuumi» isch scho alles gsait. Subschtanz

Het s Sujet kaini, lnhalt fäält em scho fascht ganz!!

Dr Schuumi isch e grundlangwyyligi Person,

Wo usser vyle Titel und em hoche Loon,

Thematisch iberhaupt nyt z biete het und nur

Dangg Friehpensionierig Aaloss git zum Gschnuur.

Es git nyt z kritisiere, kai Skandal z verzelle.

Mir hän halt aifach nur e duublig Sujet welle.

Halt, Momänt! do leen mir ebbis usser Acht!

Und zwor, dass d Formel 1 e Huffe Lärme macht!

 

Refrain:

Schuemächerli, Schuemächerli, du bisch so schampar clean

Kai Wunder isch s, kai Wunder isch s, du kunnsch vom Sauber-Team.

 

3) Vyl haissi Luft, vyl Grach und Staub, vyl Lärm um nyt,

Kai Inhalt, kai Kritik, kai Biss; Humor nur wyt

Wyt härgholt, ganz absurd, en Abstraktion: s isch luschtig:

Uns goht s numme um s Motoregrysch, d Akuschtik!

So mache mir s denn au im Zeedel: Sinn bestoot nur drin

En Unsinn rain akustisch sichtbar z mache. Sinn

Ergit am Schluss nur d Gryschkulisse, wo soll deene,

Wien e Formel 1 Motoregryschsyrene.

Dasch genau d Idee vom Dada: Lutt und Klang

Und sunscht kai Inhalt, Sujet, gar nyt vo Belang!

 

Refrain:

Schuemächerli, Schuemächerli, hesch 1 Milliarde Frangge!

Was nutzt dr das, was nutzt dr das, ab jetzt muesch sälber tangge!

 

Verse 4 – 6:

Werden von drei Personen simultan laut gelesen:

 

4) Dada Fasnachtsdada blabla?

D Stroos gheert uns! d Stroos gheert uns!

brrruuummmm, wrroooommmmmm

Ferrari faar i nur'am Cortège

Gfäärlig gfäärlig Umfallgfoor

Mit 200 km/h in die näggschti Baiz

Gin Tonic go tangge, kai Benzin

--------

– don't drink and drive…

--------

 

Refrain:

Schuemächerli, Schuemächerli, isch dir di Läbe dyyr?

Du faarsch jo mit dim Auteli dur Wasser und dur Fyyr.

 

5) Faar! Faare. Faardu, faari

Laarifaari faar Ferrari

schnälI und schnälIer und schnälIerer

flitze flitzer riiii<, riiii<

Gas gä Gas gä granpri granpri

Ziiil Siiiger immer wider

blitzschnälI, schnälI wie dr Blitz

iiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii «

Witz Bsitz Richtig Stitz

. . . . . . . . . . . . . . . . . . . . . . . . . .

 

Refrain:

Schuemächerli, Schuemächerli, jetz bausch e Huus in Sand

am Gänfersee, am Gänfersee, grad an dym eig 'ne Strand

 

6) Aadie final Boxestopp

Aadie Schuumi tschüssli tschau

Sali saluti alles Gueti

Schuumi my, Schuumi dy, unsere Michi

Schuumi Pfluumi goht, adieu

Buhuu, buhuu, truurigtruurig

Ab in Luxus, Fluxus, Jux druss

. . . . . . . . . . . . . . . . . . . . . . . . . .

 

Aadie aadie fertig luschtig

Schuumi. mir liebe dir* in alli Ewigkeit.

 

*frei nach Schwitters