Fasnacht 9. – 11. März 1981

altes Logo Seibi-Mysli

Sujet:

SEIBI-MYSLl 1971 – 1981

MIR FYRE…!

Mir fyre zäh Johr Seibi-Mysli,

Alli zämme sinn scho uss em Hysli,

Uff d Fasnacht dien mir allewyle blange,

Wie gschwind isch au die Zyt vergange.

 

E «Sujet» hänn mer das Mool nit,

Au wenn s e Huffe «Sujet» git,

As «Alti Dante» dien mer uff alles pfyffe,

Kaini deri s lätz Lechli gryffe.

 

En Abstächer wänn mer ainewäg go mache,

Au wenn nit alles isch zem lache,

Drey Dääg gehn au mir zer Biggse uuse,

Niemets will die scheeni Zyt verpfuuse.

 

Fyre ka zwor jede Dubel,

Het är Frangge oder Rubel,

Het ain e Hysli utt eme Bärg,

Kreent är s mit eme Gartezwärg.

 

Gässle duet me zmitts im Summer,

Dr Frau Fasnacht macht das Kummer,

E Blaggedde dien si noo entwärfe,

S Ganzi git aim grad uff d Närve.

 

E «Miss Schwyz» het unseri PETETE,

Jede mecht die dolli Katz gärn gseh,

Doch s Färnseh will die Miss nit brlnge,

Will si schyns nit guet ka singe.

 

D Fraue dien hit Sailzieh und au Ringe,

Si iebe sich au noo im Schwinge,

Kunnt dr Alt grad vomene Trinkertescht,

Gits dehaim e Schwingerfescht.

 

E Frauelhuus hänn mir nit neetig.

Dertduure hänn mir kai Verspeetig,

As es nit gracht in unsere Fuege,

Doo dien mir sälber fir uns luege.

 

Mit Hormon het me d Kälber gspritzt,

Mir Fraue hänn doo d Ohre gspitzt,

Vo Kalbfleisch wänn mir nyt meh wisse,

Me het uns däwäg lang gnueg bschisse.

 

Doch mir wänn nit ebbe truurig sy,

MIR FYRE und sinn gligglig doo derby,

Soo wies uns die «Alti Oante» lehrt,

Mache mer Fasnacht, wie sich s ghert.