Fasnacht 4. – 6. März 1974

altes Logo Seibi-Mysli

Sujet:

75 JOHR ACS

Mit grossem Gschyss will me do fyre,

E Jubileum bsundrer Art,

's wird yglade was Namme het,

Imene Denü ganz apart.

 

E pfundigi Kapälle us em Dytsche,

Und Katja Ebstai no derzue,

Dä Oobe dä soll Niveau ha,

Fraie soll sich Ochs und Kueh.

 

E Buffet ab dr kalte Blatte,

wird offeriert mit Super-Blöff,

E volle Ranze nähm jede hai

Wo kum Blatz haig in sym Döff.

 

Dr Ydrittsprys isch au fimfesibzig,

Si solle rybe die noble Gselle,

Bim zämmezelle het e mänge

Nimme an dä Oobe welle.

 

Me bloost alles zämme ab,

Doch Katja hät gärn ihri Gage,

Das koscht e scheeni Stange Glotz

Dr ACS het sy Blamage.

 

«D'Oldtimer-Show» die goht no yne,

Me pfluderet im Saal vom Grosseroot,

Statt eme Ball in schygger Robe,

Stosst me a bis zobe spoot.

 

Bim näggschte Jubileeumsaloss

Gänd doch nimme so digg a,

Gehnd Iieber z'Fuess in d'Lange Erle,

Und lueget derte d'Affe a.