Fasnacht 12. – 14. März 1973

altes Logo Seibi-Mysli

Sujet:

100 JOHR SCHLUMBI

Was vom Elsass kunnt isch amme guet.

Syg's Gmies und Sparse oder Wy,

E Schlumbärger het is e Weggli brocht,

's kennt au nit besser sy.

 

Dr Riedtma Begg duss in dr Aesche,

Het das Weggli «Schlumbi» dauft.

Und scho vor ebbe «hundert» Johr,

Bärgewys dervo verkauft.

 

Das Jubileum dien alli Begge fyre,

Gänn's Schlumbi fir fimf Balze,

D'Läde wärde frieh scho überrumplet.

Alles hauts us de Matratze.

 

Mit Ruggsegg und Zaine seht me seggle,

Was Rang und Namme het.

Wuchelang hänn si «Schlumbi» gfrässe,

Mir mache jedi Wett.

 

In drei Schtund isch dä Spugg verby,

E Million «Schlumbi» sinn ummegloffe,

D'Begge sinn mied si verdraie d'Auge,

E Lehrbueb isch im Daig versoffe.

 

Em «Charles Schlumbärger» druggt me no,

E-n-Urkunde in d'Hand,

Dr Begg Simon pfluderet digg drzue,

Es gäbt e ganze Band.

 

Schlumbärgerli – – Schlumbärgerli,

Mir winsche Dir vyl Gligg,

Wenn de zwaihundert Johr alt wirsch,

Koschts sicher e «Fimflyber» 's Stigg.